د نړېوالې تودوخې اغیزې
نړيواله تودوخه چې اوس یې کنترولول په لوی ناورین بدل شوي او ځمکه یې سخته ګرمه کړې ده. سختې حرارت درجې، بارانونو، طوفانونو ځمکه او د دې سیارې ټول ژوندي موجودات ډیر وارخطا کړي دي. دا چې ځمکه لاپسې ګرمیږي، د جنوبي قطب، شمالي قطب او ګرینلینډ یخونو زیاتې برخې له تیرو څو لسیزو راهیسې ویلي شوي دي، او د سمندرونو سطحه یې پورته کړې ده.
د نړېوالې تودوخې دغو اغیزو له امله، ډیری خلک دې ته مجبور شوي چې کورونه پریږدي او نورو ځایونو ته مهاجر شي.
په دې سربیره، سمندرونه هم ډیر تیزابي شوي، او د سمندري حیواناتو لپاره یې ژوند سخت کړی دی.
که اقلیمي شرایط لکه څنګه چې اوس دي دوام ومومي، انسانان او د طبیعت نورې برخې به له سختو ستونزو سره مخ شي. هغه بدلونونه چې مونږ یې باید د اقلیمي بدلون سره په مقابلې کې رامنځته کړو، داسې دي لکه زمونږ په ټولنه او اقتصاد کې چې کومه بې نظمي او ګډوډي لیدل کیږي. نو نوې طریقې او کړنلارې باید ولټول شي.