څرنګه د یو ښوونکي په توګه آنلاین پیسې ترلاسه کولئ شئ؟
استادان او ښوونکي د ماشوم په روزنه کې ډیرې هڅې کوي او یوه مقدسه او لویه دنده پرمخ وړي. خو هغه پیسې چې استادان یې د دومره ډیرو هلو ځلو په مقابل کې او له هغه خدمتونو چې استادان یې ټولنې ته کوي د هغوی په مقابل کې ډیرې کمې دي. د ټولنې په جوړولو کې استادان ډیر زیار ګالي اما له ټولنې او دولت ورته ډیر کم عاید راځي. له همدې امله ډیری استادان اړدي چې په نورو ځایونو کې د استادۍ له لارې زیات عاید لاسته راوړلو په خاطر په دندو پسې وګرځي. اوسنۍ نړۍ د سیالۍ نړۍ ده او د خپل بري لپاره باید تر منځنۍ کچې زیاته پوهه ولرې. هغه استادان چې په یو مسلک کې ښه ځلیدلي وي کولی شي د انټرنیټ څځه ښه عاید لاسته راوړي او په دې به پوه شي چې انلاین کار کول نه یوازې دا چې اسان او مناسب دي بلکې ډیر ګټور او د عاید زیاتیدونو ښه منبع هم ده. اوسني ښوونکي، ډیری کارونه له انټرنیټ څخه په ګټه اخیستنې ترسره کوي او د تحقیقاتي معلوماتو لپاره هم انټرنیټ کاروي. آنلاین ښوونکي زده کوونکو ته اوس وخت کې په ټوله نړۍ کې په هر مضمون کې، له کیمیا تر انګلیسې، تر تاریخ، او تر عالي ریاضیاتو پورې ډیر ښه معلومات برابروي. انټرنیټ د استادانو لپاره د ښه عاید په لاسته راوړلو کې ډیر موثر تمامیږي ځکه چې له ټولۍ نړۍ محصلین او زده کوونکي برابرولی شي.
پړاوونه:
- د زده کړې موخې مو وټاکئ او خپل مهارتونه وپيژنئ. په مسلک کې ښه پوهه، د درسي ژبې سره کامله بلدتیا ، فصاحت او بلاغت، او درسي میتود هغه څه دي چې له انلاین درس ورکولو دندې ته تر چمتوالې مخکې باید تا سره وي.
2. د انټرنیټ پوهه او په انلاین چاپیریال کې خبرې اترې مو و ارزوئ. د دودیزو درسونو په پرتله انلاین درس ورکول ډیر ننګوونکي وي. ټیکنالوژیکي الې له تیروتنو محفوظې نه وي. خپل درسونه له هغه چا سره تمرین کړئ چې په دې برخه کې تجربه ولري او یا تاسو ته ښه فیډبک درکړي او ستاسو د انلاین زده کړو ورکولو مهارت لوړولو کې درسره مرسته وکړي.
3. د انلاین درس ورکولو سرټفیکیټ ترلاسه کړئ. یو داسې کورس کې داخله واخلئ چې تاسو وکولی شئ خپل سرټفیکټ ترې واخلئ. ډیری پوهنتونونه د انلاین درس ورکولو سرټفیکټ پروګرامونه لري، او په ځانګړي ډول د استادانو لپاره جوړ شوي وي ترڅو له اوسنۍ ټیکنالوژيکي توکو او انلاین درس ورکولو تمریناتو باندې لارښود درته وکړي.
4. د انلاین درس ورکولو لپاره تر درخواستۍ ورکولو وړاندې په همدې برخه کې لږه تجربه ترلاسه کړئ.
تاسو کولی شئ چې زده کړییزو منابع لرونکو ویب سایټونو لکه https://kabiracademy.com ، همدا شان Skill-Guru او Udemy په څير پلټفورمونو کې داخله وکړئ او خپل ځانونه ورته چمتو کړئ. د هغوی تمرینونه او ازموینې، درسي میتودونه، کورنۍ دندۍ تعقیب کړئ. په دې سربیره خپل کلي او مکتب کې په خپل مسلک کې رضاکارانه درسونه ورکړئ. ډیرۍ انلاین درس ورکولو فرصتونه له تاسو پخوانۍ درس ورکولو کاري تجربه نه غواړي، خو ډیری ورته لومړیتوب ورکوي.
5. په درس ورکولو او ټیکنالوجۍ په کارولو کې خپلې وړتیاوې په موثر ډول روښانه او ښکاره کړئ
تاسو باید له ټیکنالوژۍ سره بلد و اوسئ، کمپیوټر، مایکروفون ، ویډیويي کامره، د ویډیو ایډیټینګ سافټویرونو، ډیجیټل کتابچه او ډیجیټل قلم سره باید بلد واوسئ
Tag:ښوونکى